Fara beint í efnið
Eldra
Heyrðu í okkur

Undirvinnsluaðilar

Verslanir sem nota Eldra Studio veita Eldra almenna heimild til að nota undirvinnsluaðila við vinnslu persónuupplýsinga fyrir þær (9. gr. vinnslusamningsins). Þetta er gildandi listi yfir þá.

Síðast uppfært

  • Microsoft (Azure)

    Vinnsla
    Rekur kerfið: netþjónar, gagnagrunnur, afrit, kerfis- og öryggisskrár og lyklageymsla.
    Persónuupplýsingar
    Allar tegundir í II. viðauka vinnslusamningsins.
    Staðsetning
    Svíþjóð (Azure-svæðið Sweden Central). Afrit gagnagrunns eru einnig vistuð á því Azure-svæði sem er parað við Sweden Central, innan EES.
    Miðlun út fyrir EES
    Engin samkvæmt fyrirmælum Eldra. Vinnslusamningur Microsoft heimilar Microsoft að miðla gögnum til Bandaríkjanna og annarra landa þar sem Microsoft eða undirvinnsluaðilar þess starfa. Microsoft lýsir afmarkaðri miðlun vegna öryggisvöktunar og þjónustubeiðna. Verndarráðstafanir: föst samningsákvæði framkvæmdastjórnarinnar (2021/914) eins og Microsoft hefur innleitt þau, og rammi ESB og Bandaríkjanna um persónuvernd.

  • Cloudflare, Inc., Bandaríkjunum

    Vinnsla
    Net framan við opinberar slóðir kerfisins (DNS, milliþjónn, eldveggur, Workers og myndaþjónusta), nema áframsendingar af rótarléni verslunar, sem fara beint á netþjónana í Svíþjóð; skráageymsla í R2 fyrir skrár og myndefni verslunarinnar, reikninga í PDF og safn atburðaskrár.
    Persónuupplýsingar
    Umferð á leið um netið; vistaðar skrár.
    Staðsetning
    Umferð er afgreidd á alþjóðlegu neti Cloudflare, á þeim stað sem næstur er gestinum. Vistaðar skrár eru í R2 í lögsögu ESB.
    Miðlun út fyrir EES
    Já, til Bandaríkjanna og annarra landa þar sem net Cloudflare afgreiðir umferð. Rammi ESB og Bandaríkjanna um persónuvernd (EU-US Data Privacy Framework); föst samningsákvæði framkvæmdastjórnarinnar (2021/914) samkvæmt vinnslusamningi Cloudflare þar sem ramminn á ekki við.

  • Plus Five Five, Inc. (Resend), Bandaríkjunum

    Vinnsla
    Sendir póst úr kerfinu: pöntunarstaðfestingar, kvittanir, reikninga, innskráningarpóst og herferðir.
    Persónuupplýsingar
    Netföng og nöfn viðtakenda, efni póstsins, reikningar í viðhengi.
    Staðsetning
    Bandaríkin. Öll gögn eru geymd þar.
    Miðlun út fyrir EES
    Já, til Bandaríkjanna. Rammi ESB og Bandaríkjanna um persónuvernd; föst samningsákvæði framkvæmdastjórnarinnar (2021/914) samkvæmt vinnslusamningi Resend til vara.

  • Amazon Web Services (Amazon SES og Amazon SQS)

    Vinnsla
    Sendir póst úr kerfinu og tekur við afhendingaratburðum. Skráð nú þegar; tekur við af Resend þegar Eldra flytur póstinn.
    Persónuupplýsingar
    Netföng og nöfn viðtakenda, efni póstsins, reikningar í viðhengi.
    Staðsetning
    Svíþjóð (AWS-svæðið eu-north-1, Stokkhólmur).
    Miðlun út fyrir EES
    Engin samkvæmt fyrirmælum Eldra. Samkvæmt vinnslusamningi AWS flytur AWS gögn ekki af því svæði sem valið er nema það sé nauðsynlegt til að veita þjónustuna eða til að fara að lögum eða bindandi fyrirmælum stjórnvalds. Verndarráðstöfun vegna miðlunar til lands sem ekki nýtur ákvörðunar um fullnægjandi vernd: föst samningsákvæði framkvæmdastjórnarinnar (2021/914) í þeim vinnslusamningi.

Tengingar sem verslunin velur

Þessar þjónustur eru ekki undirvinnsluaðilar Eldra. Verslunin velur þær, er sjálf með samning við hverja þeirra og gefur Eldra fyrirmæli um að senda þeim gögn með því að virkja tenginguna. Þær fá aðeins gögn ef verslunin virkjar þær. Hér kemur fram hvað Eldra sendir hverri þeirra.

Greiðslur: Teya, Straumur, Verifone
Fjárhæð og tilvísun. Kortaupplýsingar eru slegnar inn hjá greiðsluþjónustunni, ekki í Eldra.
Afhending: Pósturinn
Nafn viðtakanda, heimilisfang, símanúmer og netfang, og kennitala þegar hún er skráð.
Afhending: Dropp
Nafn viðtakanda, heimilisfang, símanúmer og netfang, og kennitala þegar hún er skráð.
Bókhald: DK
Nafn viðskiptavinar, kennitala, heimilisfang, netfang og símanúmer, ásamt reikningum.
Bókhald: Regla
Reikningar og vörur. Á reikningum er nafn viðskiptavinar, heimilisfang og símanúmer.
Banki: Arion banki
Kröfur, ásamt kennitölu greiðanda.
Cloudflare Turnstile með eigin lyklum verslunarinnar
Það sem vélmennavörnin safnar úr vafra gestsins.
Vefkrókar (webhooks) sem verslunin setur upp
Gögn þeirra atburða sem verslunin velur, á þá slóð sem verslunin gefur upp.
MCP-tenging
Þau gögn sem verkfærið, sem verslunin tengir, les eða breytir um tenginguna.
Efni sem verslunin fellir inn frá öðrum (til dæmis myndbönd eða kort)
Ekkert frá Eldra. Vafri gestsins sækir efnið hjá veitandanum.

Breytingar á listanum

Áður en Eldra bætir við undirvinnsluaðila eða skiptir um hann fá eigendur hverrar verslunar tölvupóst með að minnsta kosti 30 daga fyrirvara. Í póstinum kemur fram hver undirvinnsluaðilinn er, hvað hann mun gera, hvaða gögn hann fær og hvar hann vinnur þau.

Andmæli

Verslun getur andmælt breytingu innan þessara 30 daga. Eigandi sendir andmælin á privacy@eldra.is og segir hvernig breytingin snertir vernd persónuupplýsinga. Andmæli verslunin ekki innan 30 daga telst hún ekki andmæla breytingunni.

Eldra svarar andmælum innan 10 daga og segir hvort hún geti komið til móts við þau. Geti hún það ekki má verslunin, innan 14 daga frá svari Eldra, segja upp þeirri þjónustu sem breytingin snertir, eða samningnum í heild ef breytingin snertir hann allan. Uppsagnarfrestur gildir þá ekki, ekkert gjald er tekið fyrir að hætta og Eldra endurgreiðir gjöld sem greidd voru fyrir fram fyrir tímann á eftir. Nánar er fjallað um þetta í 9. gr. vinnslusamningsins á eldra.app/terms.